Aðalheiður Rut :')

Við vorum að gera gæluverkefni heima. Við máttum velja hvað við skrifuðum um og máttum útfæra það eins og við vildum. Við áttum að gera áætlun yfir það sem við mundum vinna í vikunni og skrifa hvað við gerðum á hverjum degi. Þetta stóð yfir í 3 vikur og ég gerði bók um Hawaii og powerpoint kynningu fyrir bekkinn. Það var mjög gaman að geta valið það sem ég skrifaði um afþví við höfum mismunandi áhugamál og kanski langaði einhverjum að gera um dýr, land og sumum kanski bara um áhugamál sín. Mér fannst soldið verra að gera áætlun, afþví ég gat varla fylgt henni t.d. ef ég ætlaði að klára skrifa á einhverjum degi en gat það ekki, þá þurfti ég að breyta áætluninni. Mér fannst gaman að hafa heimaverkefni yfir svona langan tíma afþví að þá gerðum við ekki neitt annað og við lærðum mikið um það sem við völdum okkur. Ég var ánægðust með bókina sem ég gerði, afþví að hún heppnaðist bara vel.

Í Náttúrufræði vorum við að læra um líffræði, eðlisfræði, plöntur og fugla.

Í líffræði vorum við í bókinni Líkami mannsins. Við tókum 3 próf og gerðum vinnubók.  Meðal annars lærðum við um blóðið, æðarnarnar, beinin, fíkniefni og húðina. Það var gaman að læra um það afþví það kemur að góðum notum síðar meir og það var mikið sem ég vissi ekki og kom á óvart.

Í eðlisfræði vorum við í bókinni Auðvitað 3 og tókum 2 próf, og lærðum efnafræði. Við gerðum líka vinnubók sem var alveg gaman. Mér fannst samt skemmtilegast að gera tilraunir.

Þegar við lærðum um plöntur fórum við út og tíndum 1 plöntu í einu, fórum inn og pressuðum hana, settum svo í vinnubókina, og skrifuðum um hana. Síðan endurtókum við 3x. Það var gamnan að gera þetta verkefni og ég lærði mikið um plöntur. Það var gaman að fara sjálf út og taka plöntur í staðinn fyrir að fá mynd eða eithvað álíka.

Hringekja

Á föstudögum í stærðfræði vorum við í hringekju. Við byrjuðum öll í okkar stofu og fórum svo í næstu stofur. Hjá Helgu vorum við stundum að gera blöð með þrautum og vorum 1-2 saman, síðan gerðum við stundum stærðfræði spil og svoleiðis. Hjá Auði gerðum við samskonar nema oftar með erfiðari þrautum. Hjá Önnu gerðum við tvenns konar munstur og stærðfræði ljóð. Það var oftast skemmtilegast hjá Helgu og Auði afþví að mér finnst gaman í svona þrautum. Mér fannst leiðilegt að gera ljóð hjá Önnu en munstrin voru svo sem ágæt.

Mér fannst jákvætt að við vorum ekki alltaf að gera það sama og neikvætt að við þurftum að gera ljóð. Mér fannst samt alveg gaman í hringekjunni.

Löndin 

Í landafræðinni vorum við að læra um Evrópu. Við vorum með lesbók og hefti og það voru spurningr í heftinu sem að við áttum að svara. Þegar við vorum búin með heftið byrjuðum við á því að velja okkur land(af nokkrum löndum úr Evrópu) og áttum að gera Power point glærur um landið. Ég valdi Rússland og fékk hefti með upplýsingum. Ég fékk stórt blað og skipti því í 16 hluta og skrifa inní hvern kassa það sem átti að fara á hverja glæru. Síðan fór ég í tölvur og skrifaði það í power point og þegar ég var búin að skrifa skreytti ég það með myndum og gerði glærurnar gráar og fjólubláar. Eftir því átti ég að gera kynningu og kynna fyrir bekkinn sem að gekk ágætlega. Hér er powerpoint um Frakkland:

Þegar við gerðum Photo Story myndband þá gerðum við þetta svipað. Við byrjuðum á því að velja okkur land í Evrópu, alveg frjálst og ég valdi Frakkland. Eftir það öfluðum við okkur upplýsinga um landið. Síðan skiptum við blaðinu í sirka 16 hluta og skrifa inná þá hvað við kynnum með hverri glæru. Við fórum síðan í tölvur og fundum myndir sem passa við kynninguna. Við settu þær inná forritið Photo Story. Þegar allar myndirnar sem að voru komnar inná sem að við vildum hafa, skrifuðum við texta inná ef við vildum, þó að það væri ekki nema nöfn. Þá áttum við bara eftir að stilla hversu lengi myndirnar væru og hvernig það skiptist yfir á hina myndina. Þá var myndbandið nokkuð tilbúið nema ef við vildum hafa tónlist. Ef að við vildum það áttum við að finna lag og downloada því á beemp3.com. Síðan settum við tónlistina inná myndbandið og þá var það tilbúið. Þegar við vorum tilbúin með myndbandið eigum við að kynna.
Það var mjög gaman að gera þetta myndband og power point glærurnar og gaman í landafræðinni. Ég lærði eigilega allt nýtt um Evrópu og það gekk frekar vel að vinna þetta. Hér er photostory um Frakkland:

 Heimavinnan

Í fyrsta verkefninu í heimavinnuni áttum við að finna frétt frá Evrópulöndunum í Fréttablaðinu eða bara inná mbl.is. Við áttum síðan að endursegja fréttina og líma á blað. Næsta verkefni var að finna veður í nokkrum höfuðborgum í Evrópu, fjóra daga í röð, og það fundum við inná danskri veðurfrétta síðu. Síðan áttum við að velja okkur fjögur tungumál í Evrópu og finna út hvernig maður skrifar/segir góðan daginn, tölurnar 1-10, takk fyrir og ég heiti. Fjórða verkefnið okkar var að velja fjögur lönd og skipta einu blaði í fjóra hlutaog  teikna eða skrifa nokkur einkenni hvers lands. Seinasta verkefnið var að velja þrjár persónur og fjalla stuttlega um þær og gefa almennar upplýsingar og segja fyrir hvað þær eru þekktar og hvaðan þær koma. Mér fannst heimavinnan skemmtilegasta verkefnið í landafræðinni ásamt Photo Story verkefninu.